صديقك الصدوق ، الصديق الصدوق ، معانى الصداقة الصدوقة

[Mezo]

مساء الخير / صباح الخير

أولاً انا مش عارف ابدأ منين

بس عامة انا كان الموضوع دا في دماغي وكان نفسى اكتب فيه

واخد رأيكم فيه وعايز كل واحد فيكم يرد عليا بصراحة ..(فضلاً لا أمراً)

هل انت صديق صدوق لكل اصدقائك ؟
ايوة .. ليه ؟ لا .. ليه ؟
قبل ما تجاوب انت وهيه على السؤال عايزكم تسألو نفسكو وتقفو شوية عند حته

انك تكون الصديق الصدوق لأصدقائك

خلو بالكو انا هنا بتكلم عن الصداقة بجميع انواعها ( الولد و الولد ) ( البنت والبنت ) ( الولد والبنت )

الاول هنتكلم عن اية معنى الصداقة

ليست الصداقه مجرد تبادل الخواطر والأفكار بل بث

الشكوى وتجاوب المشاعر والرغبات،فالصديق

شخص يسمع ويفهم ويحنو وينصح،والتعبير

له عن متاعبك ومشاكلك باللفظ يهون من

شدتها ويزيدها وضوحاً وتحديداً ويجعلك

تنظر إليها نظره موضوعيه،تحليلها

وفهمها ونقدها،وأنكشف عماقه

يكون بها من مبالغات فالصداقه

علاقه هامه جداً

بين البشر

----------------------

ثانيا : هل فيه صداقة دلوقتي في عصرنا هذا ؟

رأي اانا ومستني رد كل واحد فيكم
دلوقتي كل واحد بقى يهمو مصلحتو وبس ودا عن تجربة اكتر من 40 واحد قابلتهم دا غير اللى انا اعرفهم
في الاول يبقى مصلحة وهبا تلاقي مرة واحده مش معاك شوية
ومرة واحده يقوم خالع يا تلاقيه بينفضلك يا تلاقيه مشغول معا ان دي مكنتش طبيعتو تخلصو شغل تسهرو سوا تخرجو سوا كدا يعني
اما بقى بالنسبة لمصر لو حاولت تعيش هناك دا صعب جداً اولاً يا تكون عارف ناس ليك هناك واكيد طبعاً عشان مصلحة
لأنك مش عارف حاجة هناك وهما اللى هيفهمووك الدنيا ماشية ازاي وبيتعاملو ازاي وبيخرجو فين وبيقابلو فين وبيجبو دا منين ودي منين كدا يعني
اديك قولت عرفتهم عشان مصلحتك يا كدا يا أما تقضيها بقى من البيت للشغل ومن الشغل للبيت واكيد هيجي يوم وتمللللللل وتزهق وترجع بلدكوو ( يادار ما دخلك شر هههههه)
انما لما تبقى في محافظتك اللى نشأت فيها بتكون عارف دا مين ودي مين لأنك اتربيت معاهم ويامااااااا اتقرصت منهم ومن مكايدهم
فعشان كدا لو خرجت برا مجتمعك دا ممكن تتخنق لأنك مش عارف تتعامل معا حد نهائي
وهقبلك ديماً حاجتين واسئلوني مجررررررب ( أول ما تقع يا ناس يشمتو فيك ويفرحو ، والتانين لما بيصدقوا عشان ياخدو مكانك ) ودا اللى حصل معايا.
يا اخونا فيه لسه خير بس بقى قليل
وربنا يستر علينا لسه قدام شوية كمان ياما هنشوف

انا كتبت الموضوع دا ومتأكد عدد المشاهدين حيكون100 وأكثر
مستنى مروروكم قبل ردودكم يا جماعة على الموضوع دا عشان نتناقش ونعرف كل ونعرف بعض
اية الغلط واية الصح واية المفروض نعملو
تحياتى للجميع

 

 

[ندى السعيد]

اولا صباح الخير ياجمل ميزو

انت بجد هايل بالتوبك ده ....وجه فى وقته قوووى والحمد لله

بص ياغالى....بالنسبة للصداقة الايام دى انا معاك قوووى فى حتة المصلحة .......انا يااااااااااااااااااااما استغلوا طيبتى وانى مش بحب ازعل حد فى انهم يبقوا صحابى عشان يقدروا ياخدوا منى اللى عايزين يخدوه.....وفى اى وقت تحت مسمى الصداقة

بس تعرف بجد ياميزو ...انا بصراحة كنت ببقى عارفة من صديقى بجد فيهم......بس كنت برضه مش ببخل عليهم باى حاجة.....عشان اخد ثوابهم.....واتقى شرهم

بس بص بقى للصاحب الجد الجدع.....اللى يفديك بعنيه لما تقع.....ويرد غيبتك وانت مش هنا....انا الحمد لله قابلت من دول حوالى 10 فى حياتى

وبجد بقى انا بعتبر نفسى صديقة صدوقة.....هقولك ليه؟؟؟

لانى ياميزو عمرى والحمد لله مابخلت على حد باى حاجة.....من اول انى اسمعهم لغاية اى طلب منهم

وكمان برد غيبتهم فى غيابهم.....وبكون لهم خير ناصح امين.....

والصاحب اللى بجد ياميزو بيكون مراية صاحبه.....يعنى لازم يشوف جواه اللى هو مش شايفه فى نفسه.....ويواحهه دايما بالحقبقة

وكمان اللى مش ارضاه على نفسى ماارضاهوش لصديقى

وكمانبحاول اكون سند ليهم وحضن امان يرموا همومهم جواه ......

وكتمان الاسرار من اهم اسس بناء الصداقة الجيدة......فلازم الواحد يكون سر صاحبى

بس بصراحة انا مالقتيش صاحبة ليا زيى.....لحد الوقتى......هه هههههه

بس الدنيا ماشية والحمد لله على كل حال

وشكرا الف شككككككككككككككككككككر ياميزو ياجامد

وياريت ماكونش طولت فى الرغى.....وفى النهاية اختلا ف الراى لا يفسد للود قضية.....وهذه وجهة نظرى

 

 

[غموض شاعر]

اخي ميزو موضوع جميل جدا
ولا انكر هنا روعتك في طرحه

ولكن هل تسمح لي بان اضيف رايي في موضوعك

ما أجمل الصداقة وما أحسن الحياة مع الأصدقاء وما أتعس الحياة بلا صداقة صادقة.

فقد اشتقت الصداقة مــــــــــــــــــــن الصدق ــــــــــــــــل واحد من الصديقين يصدق في حبه لأخيه واخلاصة له

وقديما قالوا (قل لي من صديقك اقل لك من أنت)

الصداقه تحمل في طياتها معاني جميله واخلاق سامية وتصور فذ في العلاقات البشرية لأن بالصداقة تنسجم

البشرية جمعاء فلو كان الاب صديقاً لولده لكان الابن في حال افضل وكان هناك تفاهم بين الجيلين بطريقة اكثر نضجا

وكذلك الزوج مع زوجته والعكس ، ولو كانت العلاقات رسمية فقط

بمعنى هذا ابوك وله كذا وكذا فقط من الحقوق وكذلك هذا زوجك وله كذا وكذا من الحقوق لحينها ستأخذ العلاقة سياقاً

اكثر تكلفياً وروتيناً اكثر من انها في الواقع جميع العلاقات يجب أن تكون اكثر انغماساً في بعضها البعض وديننا الحنيف

علمنا الترابط بين بعضنا البعض بالمودة والرحمة لو كل اب او ابن او زوج او زوجه اخذوا هذا القياس ووضعوه امام اعينهم

لكان للعلاقات طعماً اخر

عموما هذا كان من وجه نظري في ان نجعل العلاقات الاسرية تأخذ طابع الصداقة لتحسينها وجعلها تتنفس الصعداء

في هذا الوقت من التشتت الذي نعانيه على الصعيدين الزوجي والعائلي يجب ان نكون اكثر فطنة لمشاعرنا

اقول

الصديق الصدوق الكريم العطوف صار شبه معدوم في هذا الزمان لأن النفسيات اصبحت اكثر قسوة وغلظه واصبحنا

نصادق من حولنا فقط لكي لا نكون وحيدين او بالاحرى للتسلية وقضاء الاوقات الممتعه ونسينا بأن الصداقة اسمى من

ذلك بكثير بل هي الملجئ الأمن من آهات الزمان ففي قديم الازل كان الصديق يهرع الي صاحبة اذا نزلت عليه نازلة

ليطلب النصح والارشاد وكم هي من القبائل العربية التي اقتتلت من أجل صداقاتها وكم هم من الشعراء الذين سطروا

أعذب ابيات الشعر في الصديق والصداقه وحتى اهل الفلسفة والالحاد لم يبخسوا حق هذا الصديق من سقراط الى

افلاطون كلهم خلدوا كلمات رائعه في الصديق ، وللأسف نحن جعلنا من الصديق اضحوكة وتارة جعلنا منه مكباً للمصالح

الزائلة

وهنا اصرخ بصوتي واقول

الى كل من انعم الله عليه نعمة الصديق الوفي وفعلا والله الصديق الوفي في زمن الكذب والخداع هو الثروة الحقيقة

للأنسان اقول لهم هيهات هيهات في التفريط فيه لأنه إن رحل لن يعود وإن عاد لن يكون كما كان فهؤلاء مثل موسم

الربيع والربيع ياتي مره كل سنة وفي بعض المناطق لا وجود له ، يا شمس حارقه وصيف مغبر او شتاء قارص

وبردثقيل

ويجب علينا جميعا أن نلتفت الى اصحابنا في يوم ما ونقول في انفسنا إن لهم حق علينا ويجب علينا أن نحذر من من

نصاحب وأن نكون على قدر من العقلانية في اختيار الصديق فالفجر واحد ولكن هناك الكاذب وهناك الصادق وكما يقال

لا يصح الا الصحيح


واما قولي لصفوة البشر من هؤلاء الاوفياء فأقول أنكم كالشموس التي تنير الارض وتكون سببا في العيش وانتم

المصدر الحقيقي لمواصلة الحياة فالشمس تعطي ولا تأخذ كونوا كما انتم بارزين على رؤوس الخلائق كالشموس النيره

لك كل الشكر ..اخي ميزو

لاعطائي الفرصه لمشاركتك موضوعك

تقبل مروري

انتهى

 

 

[Hunter Mixolgy]

ياااااااااااااااااااااااااااااه انت شفت نتيجه الاستفتاء عامله ازاى >>> 100%

سبحااااان الله طيب ما لو كل الناس اصدقاء بجد مكنش حصل مشاكل ,

ومكناش اتكلمنا فى الموضووووووووع الجامد ده ,,

أولا الف شكر يا ميزو على التوبيك الهايل ده ,,


السؤال : هل انت صديق صدوق لكل اصدقائك ؟

بصراحه مش هكدب عليك واقولك اه ,, لا يا ميزو

لان مش كل اصدقائى اصدقاء بمعنى الكلمه معايا ,

انا يمكن كنت فى الاول صديق صدوق لكل اصحابى ,,

وبعدين فهمت بعد كده ان مينفعش , كل واحد له معامله مختلفه ,

لانى كنتى بدى لناس اكبر من حجمها فتلاقيهم يبدأو يتنططوا ,

ويحسسوك ان انت اقل منهم ,, ف حاولت اتغير فى معاملتى ,

بعد ما اتصدمت فى كزا شخصيه كنت معشم فيهم خير , وطلعو اى كلام ,

قسمت اصحابى بقى دماغى كده على مستويات ,, مرتبه اولى ومرتبه تانيه ,,

واللى ملوش لزمه خالص ومش بييجى من وراه الا التعب ووجع القلب ,

يا ميزو لو كل اصحابى اصدقاء ورجوله معايا , هبقى زيهم بالظبط , انما مش كلهم ,,

انا بعامل الناس بنفس المعامله اللى بلاقيها ,, وبحاول كمان تبقى معاملتى احسن ..


////////// السؤال التانى : هل فيه صداقة دلوقتي في عصرنا هذا ؟

هى موجوده بس مش بكل معانيها , ولو لقيتها فعلا تبقى زى ما بتقول انت عشان مصلحه

او اللى يعملك حاجه باسم الصداقه يبقى شايلهالك جميله ومستنيك تعمله حاجه هو عايزها ,,

/// فعلا يا ميزو ربنا يستر علينا

وزى انت ما قولت لسه الدنيا بخير ,,

>> كلمه اخيره حاول يا ميزو تعامل اصحابك زى ما بيعاملوك او انت تبقى احسن منهم كمان ,

وان شاء الله ربنا هيكرمك , وربنا يوفق الجميع .

وتانى مره الف الف شكر على التوبيك ,

وانا متابع معاكوووووو

 

 

[محبه للرحمن]

احلى صباح على احلى ميزو فى الدنيا

الصداقة اصبحت عملة نادرة في وقت اصبحت المصلحه الشخصيه
هي الاساس في التعامل
فقدنا معنى الاخوه والصداقه الحقيقيه
في هذا الوقت الذي نعيشه
لان الصداقة هى الترابط الانسانى لاسمى المشاعر
الوجدانية بين الطرفين ...
و من هذا المنطلق تنعدم النظرة الى
المصالح الشخصية لكلا منهما ...
فالصداقة هى نبع كل المشاعر الفطرية
لدى الانسان السوى النفس المطمئن الذات
و هى تناغم رائع لاطهر المشاعر داخل
النفس البشرى ...
فالصديق مثل لؤلؤة النادرة التى نظل
نبحث عنها فى المصادفات حياتنا و قد يمر
العمر دون ان نصادفه و لو مرة واحدة
و ما اتعسها من الحياة يعيشها المرء دون
الصديق يستند عليه فى مجريات حياته...
و الصداقة لا تحددها اى الشىء و ليس لها
المكان و لا الزمان ...
و يجب نعرف ليس كل زمالة صداقة و لا كل
معرفة صداقة بل صداقة بنيان متكامل
بذاته لا تستند على مساميات اخرى و هذا
سر قوتها...
و مع الاسف شديد فى هذا الزمن زمن ضياع
المبادىء و القييم ضاع فيها الصداقة
ايضا ..و نادر الوجود اذا ما نقول
بحيك يامحمد على الموضوع الى اصبح اليومين دول عملة
نادرة انك تلاقى صديق حقيقى مش يطعنك
فى ظهرك ويفم يعنى اية صداقة اصلا
تقبل مرورى المتواضع

 

 

[Nour Mix]

اول شي صباح الخير يا ميزوووووووو

انا مش اعرف ارغي كتيري بسي راح اقول انا عندي صديقه واحده بسي هيا والنعم الصديقه

وبهاي الزمن الصداقه اشي نادر جدافاكثر لااصدقاء


هنــاك نـــاس تصــادقهم بالــسنــيــن وأنت تعتقــد أنهم اصدقـــاء
وهنــاك نــاس تعــاديهم بالسنيــن وهم الاصــداقـــاء


ليــس من السهــل وجود صديق مخلص ووفي
تجده بالسراء والضراء
ولكــن ليس من المسـتــحيـــل أيــجـــاده
فقـط عليك أن تمعـن النظــر فيمـا حولك وأن تستخدم عقلك بأيجـاد الصديق الوفي لا قلبــك

بسي خلاويص

ودمتم بخير

 

 

[Mezo]

اقتباس: المشاركة الأصلية كتبت بواسطة ندى السعيد     اولا صباح الخير ياجمل ميزو انت بجد هايل بالتوبك ده ....وجه فى وقته قوووى والحمد لله بص ياغالى....بالنسبة للصداقة الايام دى انا معاك قوووى فى حتة المصلحة .......انا يااااااااااااااااااااما استغلوا طيبتى وانى مش بحب ازعل حد فى انهم يبقوا صحابى عشان يقدروا ياخدوا منى اللى عايزين يخدوه.....وفى اى وقت تحت مسمى الصداقة بس تعرف بجد ياميزو ...انا بصراحة كنت ببقى عارفة من صديقى بجد فيهم......بس كنت برضه مش ببخل عليهم باى حاجة.....عشان اخد ثوابهم.....واتقى شرهم بس بص بقى للصاحب الجد الجدع.....اللى يفديك بعنيه لما تقع.....ويرد غيبتك وانت مش هنا....انا الحمد لله قابلت من دول حوالى 10 فى حياتى وبجد بقى انا بعتبر نفسى صديقة صدوقة.....هقولك ليه؟؟؟ لانى ياميزو عمرى والحمد لله مابخلت على حد باى حاجة.....من اول انى اسمعهم لغاية اى طلب منهم وكمان برد غيبتهم فى غيابهم.....وبكون لهم خير ناصح امين..... والصاحب اللى بجد ياميزو بيكون مراية صاحبه.....يعنى لازم يشوف جواه اللى هو مش شايفه فى نفسه.....ويواحهه دايما بالحقبقة وكمان اللى مش ارضاه على نفسى ماارضاهوش لصديقى وكمانبحاول اكون سند ليهم وحضن امان يرموا همومهم جواه ...... وكتمان الاسرار من اهم اسس بناء الصداقة الجيدة......فلازم الواحد يكون سر صاحبى بس بصراحة انا مالقتيش صاحبة ليا زيى.....لحد الوقتى......هه هههههه بس الدنيا ماشية والحمد لله على كل حال وشكرا الف شككككككككككككككككككككر ياميزو ياجامد وياريت ماكونش طولت فى الرغى.....وفى النهاية اختلا ف الراى لا يفسد للود قضية.....وهذه وجهة نظرى

مش كل صوابعك زي بعضها بشكرك كتير على مشاركتك ومجاملتك الجميلة
وان شاء الله تلاقي اللى الصاحبه والحبيب اللى يستاهلوكي بصحيح
تحياتى